Француските владејачки социјалисти најавија дека националното Собрание во текот на овој месец ќе гласа за повеќе симболичната резолуција за признавање на палестинската држава, со надеж дека таа ќе може да помогне за завршување на деценискиот судир меѓу Израел и Палестинците.
Прифаќањето на резолуцијата од страна на Долниот, помоќен дом на Парламентот, ќе испрати сигнал до Владата на претседателот Франсоа Оланд, чиј збор е одлучувачки, наведуваат американските медиуми.
Неименуван француски функционер најави дека гласањето е планирано за 28 ноември.
Британските пратеници во октомври гласаа слично, симболично признавајќи ја Палестина, а Шведска неодамна стана најголемата земја од западна Европа која ја призна палестинската држава, што предизвика протести од страна на Израел.