Француската Влада одлучи поради топлотниот бран кој ја зафати земјата и ќе трае неколку дена да го спроведе ургентниот план, изготвен специјално за овие климатски непогоди, јавува дописникот на МИА од Париз.
Мерките од специјалниот план за соочување со „топлотниот бран“ ќе бидат во сила најмалку 48 часа, започнувајќи од утре, соопшти државниот секретар Лоранс Росињол.
Од овој план најопфатени се домовите за пензионери и стари лица, болниците и сите други јавни установи каде се дистрибуира вода, спрејови со вода и разладни уреди.
Епизодата на топлотниот бран во август 2003 година, остави тешки траги во Франција, бидејќи за време на тоа лето поради високите температури животите ги загубија околу 15 000 лица, најчесто старци.