Францускиот министер за правда Жан-Жак Урвоа соопшти дека ќе бидат укинати петте специјализирани затворски оддели наменети за радикализираните затвореници, јави дописникот на МИА од Париз.
Тој најави дека околу 300 затвореници, идентификувани како „најтешки случаи“, ќе биде подложени на посебен затворски режим, близок до затворска изолација.
Четири затворски оддели наменети на радикализирани затвореници беа создадени оваа година во Лил, Осни, Анелан и во Флери Мерожис, а првиот беше отворен пред две години во Френ во Вал-де-Mарн. Во нив имаше 75 затвореници, иако затворската администрација пресмета дека за кривични дела поврзани со џихадистичкиот тероризам се осудени или обвинети 315 лица
По крвавиот напад на двајца чувари од страна на еден затвореник во затворот Осни на почетокот на септември, двата главни синдикати на затворските чувари побараа итно затворање на овие посебни оддели за радиклаизирани затвореници.
На крајот на септември, Урвоа во интервју за „Монд“ оцени дека е „премногу рано да се направи дефинитивна проценка на мерките кои се преземени за да предизвика дерадикализација“.