Францускиот министер за надворешни работи Лоран Фабиус побара отповиканиот египетски претседател Мохамед Морси да биде ослободен.
Тој оцени дека политичката криза во Египет се уште е критична по најновите крвави судири во Каиро.
-Повикуваме на дијалог и ослободување на претседателот Морси. Го осудуваме насилството-изјави тој.
Реакцијата на францускиот министер се поврзува со престојот на високата претставничка на ЕУ , Кетрин Ештон во Каиро, каде што имаше двочасовен состанок со Морси.
Ештон изврши јасен притисок врз официјалните лица во привремената влада и претставниците на опозицијата да завршат немирите, каде што во последните денови беа убиени околу 260 лица.
Елена Георгиевска