Аква алта е вообичаена појава што се случува во Венеција помеѓу есен и зима. Но оваа година, нивото на водата се зголемило невообичаено рано.
Сите во Венеција имаат гумени чизми, а навлегувањето на водата во продавниците веќе не претставува проблем. Ваквата состојба не претставува никаков проблем за вообичаеното превозно стретсво – Гондолата. На многу места од градот има поставено специјални привремени мостови.
Појавата аква алта е предизвикана од неколку фактори – плимата, поројните дождови и наодаѓањето на водата од Јадранското Море кон Венеција.
Најтешкиот случај на зголемување на нивото на водата датира од 4 ноември 1966 година, кога Венеција беше поплавена со 194 сантиметри вода, а цела Италија тогаш беше погодена од кататрофални поплави.