Околу 100 демонстранти се уапсени вчера во Њујорк за време на протести, поради кои со часови бил блокиран сообраќајот околу њујоршката берза во Менхетн.
Протестите се одржале поради незадоволство од финансиската елита која придонесува за климатските промени. На вчерашниот собир учествуваа стотици демонстранти, но претходниот ден околу 310.000 луѓе излегоа на улиците на Њујорк, што според активисти на движењето против климатските промени било најголемиот протест по оној во Копенхаген пред пет години.
Демонстрантите вчера го запреа движењето низ улицата „Бродвеј“, обидувајќи се да ги отстранат металните полициски барикади, по што полицијата употребила солзавец и почнала со апсење.