Во сајбер војната, ФБИ има големи проблеми – не може да најде соодветен кадар, затоа што голем број компјутерски експерти пушат марихуана, јави Телеграф.
Според важечките правила, во бирото не може да се вработи никој кој пушел трева во текот на последните три години, а според зборовите на директорот на агенцијата, овој критериум голем број од најдобрите кандидати не го исполнуваат.
– Морам да вработам многу луѓе за да се борат со сајбер криминалците, а некои од тие деца пушат џоинт и додека доаѓаат на интервју, рече, Џејмс Коми, директор на ФБИ.
Тој додаде дека заради тоа размислуваат да донесат полиберални правила во врска со марихуаната.