Лидерите на Европската унија ноќеска привремено ја прекинаа својата средба за да ги разгледаат преработените предлози за буџетот на ЕУ, што беа претставени од претседателот на Европскиот совет Херман ван Ромпуј, пренесоа германските медиуми, повикувајќи се на дипломати во Брисел.
Разгледувањето на буџетот било прекинато по полноќ, односно само еден час откако почна расправата, по големото доцнење со почеток на седницата.
Според дипломатскиот претставник, цитиран од германските медиуми, европските лидери ќе се соберат повторно денеска околу пладне.