Низа закани за поставени бомби денеска доведоа до евакуација на два аеродрома и два трговски центра во Данска, а кратко време беше затворен и универзитетскиот кампус во Копенхаген, соопшти полицијата.
Телефонски закани имало и до други институции, вклучително и аеродромот во Копенхаген, но не биле сфатени сериозно, бидејќи биле испратени од исто лице.
Евакуирани биле аеродромите и трговските центри во градовите Роскилде и Слагелсе.
– Немаше хаос или паника, но се чувствуваше стравот, изјави очевидец.