Француските власти со одлука на судот започнаа изутринава со евакуација на најголемиот ромски камп во Париз, во кој живееа околу 300 Роми, јави дописникот на МИА од Париз.
Кампот се наоѓа на северот од Париз, на напуштена железничка линија во така наречениот „Мал појас“. Одлуката за евакуација е донесена од судот по барање на државната железница, сопственичка на теренот.
Француските власти изборојаа 135 колиби во кои живејаа цели семејства во тешки хигиенски услови и со несоодветно греење, што ризикуваше да предизвика пожар.
На пописот направен од властите минатата недела, беше констатирано дека во населбата живеаа 73 ранливи лица, од кои 18 деца кои оделе на училиште, која притоа констатирала дека има четири случаи на заболување од туберколоза.
Според извештајот објавен неодамна, во текот на 2015 година беа евакуирани околу 11.000 Рроми од нивните диви населби во Франција, без соодветно станбено решение.