Земјите-членки на ЕУ ветија уште 78 милиони евра помош за борба против еболата, изјави еврокомесарот за хуманитарна помош Кристалина Георгиева.
Оваа сума ќе се додаде на околу 150 милиони евра што ги одобри Европската комисија за поддршка на трите најзагрозени земји од смртоносниот вирус – Гвинеја, Либерија и Сиера Леоне.
– Оваа помош ЕУ ја одобри на средбата на високо ниво во понеделникот во Брисел за координирање на европскиот одговор на епидемијата, потврди Георгиева.
ЕУ ќе продолжи да разговара за координирањето на помошта на средбата на министрите за здравство на 22 и 23 септември во Милано.
Според ОН, за спречување на епидемијата од ебола се потребни околу 770 милиони евра.