Официјални лица од Европската унија ја предупредија денеска Италија да не дозволува политиката да ја уишти песпективата за опоравување на економијата.
Европскиот комесар за економија Оли Рен и претседателот на ЕК, Жозе Мануел Баросо го поддржаа премиерот Енрико Лета кој исто така денеска апелираше на стабилност пред гласањето во Сенатот кој в среда треба да одлучи дали Силвио Берлускони ќе биде исклучен од парламентот заради пресуда за даночни малверзации.
– Мислам дека од клучна важност е да се одржи политичката стабилност во државата за да се обезбеди опоравување, и поради податоците кои покажуваат дека економијата е релативно слаба без јасни индиции дека се враќа во раст, наведе Рен за италијанскиот весник Соле 24 оре. Сојузниците на Берлускони од десниот центар се заканија дека ќе ја соборат владата ако в среда во Сенатот се гласа против него.