Европската унија ќе обезбеди дополнителни 30 милиони евра како хуманитарна помош за луѓето раселени од конфликтот во Сирија.
– Хуманитарната ситуација се влошува од ден во ден како што настапува зимата. Повеќе од 1,2 милиони луѓе се раселени во Сирија и речиси половина милион се надвор од границите на државата, во Либан, Јордан, Турција и Ирак, изјави Кристалина Георгиева, европски комесар за хуманитарни прашања.
Помошта ќе биде за здравствена заштита, привремени живеалишта, храна, вода за пиење и предмети за домаќинствата, соопшти ЕК. Европските држави досега донираа повеќе од 300 милиони евра за хуманитарна помош за Сирија.