Европската унија одвои над 15 милијарди евра за политиката за соседство за периодот до 2020 година, соопшти денеска пресслужбата на Европската комисија.
– Новиот инструмент за европско соседство со буџет од 15,4 милијарди евра за периодот 2014-2020 година е наменет за европската политика за соседство со 16 држави – Азербејџан, Алжир, Белорусија, Грузија, Египет, Ерменија, Израел, Јордан, Либан, Либија, Мароко, Молдавија, Палестинската автономна област, Сирија, Тунис и Украина, се посочува во соопштението на ЕК.
Еврокомесарот за проширување и за односи со соседите Јоханес Хан денеска најави дека ЕК на есен ќе подготви нови предлози за развој и усовршување на европската политика за соседство.
Европската политика за соседство е создадена во 2003 година и преразгледана во 2011 година по така наречената Арапска пролет.