Европската унија вети дека ќе овозможи 80 милиони евра помош за Грција поради згрижување на мигранти и луѓе кои бараат азил.
Заменик претседателот на Европската комисија одговорен за буџет и човечки ресурси, Кристалина Георгиева денеска потпиша договор за програма за субвенционирање кредити, која треба да започне да се спроведува од следната година.
Илјадници бегалци моментно се сместени во стари објекти од периодот на Олимпијадата во 2004 година или во шатори поставени на плоштади и паркови во Атина.
Согласно планот на ЕУ, мигрантите ќе добиваат ваучери за сместување во хотели или слободни станови.