Земјите-членки на Европската унија синоќа не успеаја да постигнат договор за надминување на кризата со илегалните имигранти, по што Брисел го определи 20 јули како краен рок за изнаоѓање начини за прераспоредување на азилантите, кои во моментов се наоѓаат во Италија и Грција.
– Постигнавме напредок, не се уште немаме договор, изјави еврокомесарот за имиграција Димитрис Аврамопулос по синоќешната средба на министрите за внатрешни работи на земјите-членки на ЕУ во Луксембург.
Во обид за постигнување договор, Франција и Германија вчера соопштија дека решиле да прифатат една третина од 60-те илјади имигранти, кои во следните две години треба да бидат прераспоредени во сите земјичленки на ЕУ, додека Полска најави дека ќе згрижи 200 лица.