Вулкан еруптира во Источна Индонезија, исфрлувајќи пепел во воздухот на височина од најмалку два километри, изјави претставник на локалната служба за управување со катастрофи.
Жителите се советувани да не се приближуваат до најмалку 2,5 километри од вулканот Локон во провинцијата Северно Сулавези, изјави портпаролот на Националната служба за управување со катастрофи.
Засега не е наложена евакуација на населението.
Вулканот висок 1.578 метри неколку пати исфрли пепел од јануари. Тој е со висок степен на опасност од јули, кога почна да покажува се поголема активност.
Во Индонезија има околу 500 вулкани, од кои 128 се класифицирани како активни, а 58 како опасни.