Турскиот претседател Реџеп Таип Ердоган денеска предупреди дека курдските бунтовници во Сирија или ќе го остават оружјето или „ќе бидат погребани со нив“.
„Сепаратистичките убијци или ќе се збогуваат со своето оружје, или ќе бидат закопани во сириските земји заедно со нивното оружје“, изјави Ердоган пред пратениците од неговата владејачка Партија на правдата и развојот (АКП).
Тој исто така рече дека Турција наскоро ќе отвори конзулат во Алепо и додаде дека Анкара очекува зголемување на граничниот сообраќај во летото следната година, кога поголем број сириски бегалци ќе почнат да се враќаат во својата земја, пренесува Ројтерс.