Турскиот претседател Реџеп Таип Ердоган рече дека Анкара спроведува повеќеслојни дипломатски напори „за повторно воспоставување на прекин на огнот и запирање на масакрите во Газа“.
„Никој од оние кои му даваат на светот лекции за човековите права и слободи сè уште не реагирал на грозоморното убиство на бебиња во лулки во Газа“, рече Ердоган во саботата во Истанбул.
Повеќе од 700 Палестинци се убиени и над 1.000 ранети во ненадејната воздушна кампања на Израел во Газа од вторникот, кршејќи го договорот за прекин на огнот и размена на затвореници што стапи на сила во јануари, објави ТРТ.
Од октомври 2023 година, во израелската воена офанзива на Газа загинаа речиси 50.000 Палестинци, главно жени и деца, додека повеќе од 112.000 се повредени, според турската телевизија.
