Ердоган до Путин: Турција нема да признае ниту една мерка која влијае на интегритетот на Украина

Од:

Турскиот претседател Реџеп Таип Ердоган во денешниот телефонски разговор го предупредил својот руски колега Владимир Путин дека Турција „нема да признае каква било мерка што ќе влијае на суверенитетот и територијалниот интегритет на Украина“, соопшти турското претседателство.

Ердоган, исто така, на рускиот претседател му кажал дека „воениот конфликт нема мокому да му донесе ништо добро“, додаде претседателството, без да прецизира колку долго траел разговорот меѓу двајцата лидери.

Путин во понеделникот ги призна двата сепаратистички региона во источна Украина, Доњецк и Луганск, и вчера доби согласност од Парламентот да ја употреби армијата надвор од Русија.

Западот и Украина стравуваат дека Русија подготвува неизбежна инвазија на оваа земја.

Извор: МИА

Би можело да ве интересира

Трамп најави: Средба на Русите и Украинците во Минхен

Марк Руте: Путин мора да разбере дека Западот е обединет

Трамп: Русија треба да се врати во Г7

Песков: Западот не принуди на војна – имаме еден услов за преговори

Ројтерс: ОАЕ се нудат да бидат домаќини на разговори за ставање крај на војната во Украина

Москва: САД се главниот пандан на Русија