Француската авиокомпанија „Ер Франс“ се очекува утре да реализира само 41 отсто од своите летови, кога штрајкот на пилотите ќе влезе во втората недела.
Пилотите штрајкуваат против намалувањето на трошоците и плановите на компанијата да го прошири нискотарифното одделение Трансавиа.
Авиокомпанијата денеска реализираше 38 отсто од летовите, со оглед на тоа дека 65 проценти од пилотите учествуваа во штрајкот.
Синдикатот Ес-Ен-Пе-Ел, кој го продолжи штрајкот до следниот петок (26 септември) и се закани дека ќе го продолжи уште повеќе доколку преговорите не вродат со плод, го повика францускиот премиер Мануел Валс да интервенира со цел да се реши спорот.
Според проценките на авиокомпанијата штрајкот, кој почна во понеделникот и чини меѓу десет и 15 милиони евра дневно, до 26 септември може да предизивка загуби од 180 милиони евра.