Од смртоносниот вирус на ебола овој месец починаа 14 лица во западниот дел на Уганда, соопштија денеска здравствените власти во земјата.
Здравствените официјални претставници на Уганда и претставник на Светската здравствена организација соопштија на прес-конференција во Кампала дека во земјата постои „епидемија на ебола“.
Од ебола во Уганда починаа 224 луѓе во 2000 година, а за овој вирус не постои лек, ниту вакцина.
Вирусот кој се манифестира како хеморагична треска, исклучително е заразен и брзо усмртува.
Првиот случај е регистриран во Конго, а името го добил по зборот каде што е откриен.
Научниците не знаат од каде потекнува вирусот, но се сомневаат дека првата жртва на ебола се заразила преку инфицирано животно.