Телохранител го застрела и го уби министерот во владата на Уганда, Чарлс Енгола за време на приватна кавга, соопштија локалните медиуми и војската. Инаку, потврдено е дека телохранителот бил припадник на националната армија. Енгола служеше во владата на претседателот Јовери Мусевени како министер задолжен за труд и беше пензиониран армиски полковник.
Портпаролот на армијата Феликс Кулајигје во кратка изјава рече дека „несреќен инцидент“ довел до убиството на Енгола.
„Ќе ја информираме јавноста за деталите кога заеднички ќе го истражиме ова прашање“, напиша Кулајигје на Твитер.
Пукањето се случило во куќата на Енгола во предградието на Кампала, главниот град на Уганда, пишува Associated Press.