Убиството на рускиот опозициски лидер Борис Немцов бара независна меѓународна истрага, се наведува во денеска изгласаната резолуција во Европскиот парламент.
– Тоа е најзначајно политичко убиство во современата руска историја, се наведува во резолуцијата, при тоа се изразува загриженост дека „пропагандата на Кремљ ја претвора Русија во држава на репресии, на јазик на омраза и на страв“.
Европратениците со резолуцијата му оддаваат почит на Немцов, кој го посвети животот на една подемократска, попросперитетна и отворена Русија и на изградба на силни партнерски односи меѓу Русија и нејзините соседи.