Египетскиот јавен обвинител Талат Ибрахим денеска ја повлече својата оставка, што ја поднесе на 18 декември под притисок на протестите поради неговото именување.
Ибрахим побара да остане на функцијата, а барањето ќе го разгледа министерот за правда.
Претседателот Мухамед Морси го именува Ибрахим за јавен обвинител по смената на неговиот претходник. Тоа предизвика гнев меѓу членовите на судството, кои смената на Абдел Магуида Махмуд ја оценија како напад врз нивната независност.
Судиите протестираа на 17 декември пред канцеларијата на јавниот обвинител барајќи негова оставка.