Едно 11-годишно момче од Манчестер успеало да се качи на авион што летал од овој британски град кон Рим, иако немало ни пасош, ни билет.
Момчето се налутило на своите родители и побегнало од дома, по што се упатило кон аеродромот во Манчестер. Таму успело да ја мине безбедносната контрола припојувајќи се кон едно семејство со повеќе деца.
„Слепиот патник“ во авионт бил откриен дури откако леталото било во воздух на патот кон Рим.
По инцидентот аеродромската управа започна обемна истрага за случајот и суспендираше од работа неколкумина вработени.