Откако беше прогласена за виновна минатата недела, медицинската сестра Луси Летби, која уби седум бебиња во Британија, денеска е осудена на доживотен затвор, јави Би-Би-Си.
Оваа судска пресуда го прави Летби најголемиот убиец на бебиња во модерната британска историја.
Луси Летби (33) беше осудена за убиство на пет момчиња и две девојчиња и обид за убиство на уште шест новороденчиња во болницата Грофицата од Честер додека работела на ноќни смени во 2015 и 2016 година.
„Суровоста и пресметливоста на вашите постапки беа навистина ужасни“, рече судијата за време на изрекувањето на пресудата.