Едно лице загина, а двајца се повредени откако возило ги пробило безбедносните огради на влезот во седиштето на Националната безбедносна агенција во Форт Мид, во државата Мериленд, соопштија безбедносните органи.
Во инцидентот биле истрелани повеќе куршуми од огнено оружје. Двајцата напаѓачи биле маскирани во жени, а во нивниот џип марка „Форд ескејп“ е пронајдено поголемо количество наркотици и оружје, објавија американските медиуми.
Мотивите за нападот се уште се непознати, но извори од ФБИ наведуваат дека тој не е поврзан со тероризам, туку веројатно станува збор за локални криминалци.