Џонсон: Не очекувајте напредок за Брегзит во Њујорк

Од:

Британскиот премиер Борис Џонсон денеска предупреди дека нема да има напредок во разговорите за Брегзит со европските лидери во Њујорк, затоа што јазот меѓу двете страни останува, но рече дека е постигнат значителен напредок во постигнување договор.

Три години откако Британците гласаа да ја напуштат ЕУ, надежите за придвижување оживеаја минатата недела кога Џонсон рече дека се наѕира обликот на договорот за излегување на Велика Британија од Европската унија, а претседателот на Европската комисија Јункер рече дека договор е можен.

Меѓутоа, двете страни не се согласуваат настојувањето на Лондон да се отстрани граничниот „бекстоп“ од договорот за излез кој го постигна претходничката на Џонсон, Тереза Меј. Дипломати во ЕУ велат дека Лондон не дал никаква прифатлива алтернатива.

Џонсон, кој вети дека ќе го реализира Брегзит со или без договор, ќе се состане со лидерите на ЕУ на маргините на седницата на Генералното собрание на Обединетите нации во Њујорк, меѓу кои и со германската канцеларка Ангела Меркел и ирскиот премиер Лео Варадкар.

Тој исто така ќе разговара за напредокот постигнат во договорот за Брегзит со претседателот на Европскиот совет, Доналд Туск.

– Би ве предупредил сите да не мислите дека тоа ќе биде прашање на момент. Не сакам претерано да ги зголемуваме очекувањата дека ќе има напредок во Њујорк, изјави Џонсон во авионот на пат кон Њујорк.

Британскиот премиер нагласи дека иако „добар дел“ од напредокот е постигнат откако тој ја презеде функцијата во јули, и лидерите на ЕУ сега прифаќаат дека договорот постигнат со неговата претходничка треба да се промени, „очигледно се уште има јазови и тешкотии“.

Би можело да ве интересира

По 37 години британскиот парламент ќе има седница в сабота

Ирскиот премиер го поздрави новиот договор за Брегзит

Јункер – Џонсон: Дојде моментот за Брегзит

ВИДЕО: Инцидент меѓу активистите кои го блокираа железничкиот сообраќај во Лондон и патници

Договорот за Брегзит ја зголеми вредноста на фунтата

Фараж: Новиот договор со ЕУ за Брегзит треба да биде отфрлен