Американскиот државен секретар Џон Кери ја почна првата африканска турнеја при што ќе ги посети Етиопија, Демократска Република Конго и Ангола.
Кери со африканските лидери ќе разговара за начините за зголемување на безбедноста, стабилизација на демократијата и заштита на човековите право во контекст на крвавите конфликти, како и за кризата во Јужен Судан.
Кери во Адис Абеба ќе биде до петок каде ќе се сретне со лидерите на Африканската унија од Етиопија, Кенија и Уганда. Етиопија неколку месеци е домаќин на мировните преговори за Јужен Судан, каде од 15 декември се води граѓанска војна меѓу приврзаниците на претседателот Салва Кир и симпатизерите на заменик-претседателот Риек Мачар.