Приврзаници на џихадистичката групација Исламска држава утринава на социјалните мрежи го поздравуваат синоќешниот смртоносен бомбашки напад во британскиот град Манчестер, пренесува БТА.
– Изгледа бомбите на британската Авијација врз децата на Мосул и Рака тукушто се вратија и паднаа во Манчестер, напиша јавно извесен твитерџија со име Абдул Хак.
Сепак, ИД се уште официјално не презела одговорност за овој напад, во којшто загинаа 19 лица, а 50-тина се повредени.
На многу профили на ИД на Твитер, џихадистите и си упатуваат честитки и повикуваат такви напади да се случуваат низ цела Европа и во САД.