Две тела се пронајдени под урнатините во Марсеј

Од:

Две лица загинаа при уривање на двокатница во францускиот град Марсеј, утринава објавија пожарникарите кои учествуваат во спасувачката операција по експлозијата.

Како што пренесува порталот „БФМ“ од Марсеј, потрагата продолжува, но како што одминува времето надежта за пронаоѓање преживеани се намалува.

„Две безживотни тела се пронајдени во урнатините на две згради на улицата Тиволи во Марсеј. Со оглед на тешкотиите со кои се соочуваме, потрагата ќе потрае“, соопштија пожарникарите на градот Марсеј.

И 24 часа по несреќата не се знае причината за експлозијата.

Сепак, очевидци од околните згради велат дека околу четирикатниците се почувствувал силен мирис на плин.

Пет лица се примени во болница со сериозни повреди кои не се опасни по живот.

Локалните власти во неделата објавија дека се претпоставува дека осум лица се затрупани под урнатините.

Би можело да ве интересира

На делегација на француски левичарски функционери им е забранет влез во Израел

ВИДЕО: Големо невреме на Алпите, загинаа татко и син кои помагале во спасувањето

Серија напади на затвори во Франција, властите велат ова е тероризам

Нова истрага против Марин Ле Пен

Русија: Франција и Обединетото Кралство подготвуваат планови за воена интервенција во Украина

Франција на граѓаните им испраќа и „прирачник за преживување“ во случај на војна