Две деца на возраст од девет и десет години се избодени денеска во близина на основно училиште во Дуизбург-Маркслох.
Тие биле избодени и тешко ранeти од 21-годишен маж.
На местото на настанот веднаш биле испратени медицински екипи и полиција по повик на наставникот.
По нападот крвавите деца некако успеале да стигнат до училиштето, а според првите извештаи од местото на настанот биле нападнати кога се враќале дома од католичкото основно училиште.
Напаѓачот (21) набрзо по нападот бил уапсен, а мотивот за нападот се уште не е јасен.
Жртвите на нападот, момче и девојче, се пренесени во болница.