Вчера во утринските часови имало пукање во Шорндорф кај Штутгарт. Според првите полициски информации, мажот пукал во двајца роднини, а потоа се самоубил.
57-годишен маж го преживеал обидот за убиство со повреди опасни по живот, додека 48-годишна жена и 60-годишниот убиец починале, јавуваат германските медиуми.
„Во 11:34 часот била повикана брза помош поради тешко повредена жена во станбена зграда во Шорндорф кај Штутгарт. Полицијата и брзата помош биле повикани од двајца членови на семејството кои дознале за инцидентот“, извести полицијата.
На терен излегле 28 полициски возила и еден хеликоптер. Уште еден повреден маж бил пронајден во соседниот град со повреди опасни по живот, а со спасувачки хеликоптер бил пренесен во болница.
Полицијата претпоставува дека убиената е роднина на 60-годишниот сторител. Портпаролот на полицијата не кажа точно каква е врската меѓу двете жртви и насилникот. Мотивот допрва ќе се утврдува, а истрагата е во тек.