Двајца државјани на Таџикистан, Ривојдин Исмонов и Махмадрасул Насридинов, не се вмешани во терористичкиот напад во Русија. Министерството за надворешни работи на Таџикистан ја потврди таа информација.
Двајцата државјани чии имиња се појавија во руските полициски извештаи во врска со нападот на концертната сала Крокус, не се поврзани со настанот. Тие се вратиле од Русија во ноември 2023 година и од тогаш се со постојана адреса на живеење во Таџикистан и ја немаат напуштено земјата, тврди таџикистанското Министерство за надворешни работи.