Јордански полицаец денеска отвори оган врз странски инструктори во полициски центар за обука на ирачките и палестинските сили за безбедност, кој е финансиран од САД, при што уби двајца Американци и еден Јужноафриканец.
Портпаролот на јорданската Влада изјави дека во престрелката во центарот за обука во Муакар, источно од главниот град Аман, се ранети двајца Американци и четворица Јорданци.
Според него еден од повредените е во критична состојба.
Полицаецот по нападот се самоубил. Во тек е истрага, а мотивот за нападот се уште не е познат.