Министерството за надворешни работи на Босна и Херцеговина е информирано од Амбасадата на БиХ во Стокхолм дека една државјанка на БиХ е убиенa, а еден државјанин на БиХ е ранет во масовното пукање што се случи на 4 февруари во Оребро, Шведска, јавува Anadolu.
„Ова е неофицијална информација што Амбасадата на БиХ ја добила од членови на семејствата на загинатите државјани на БиХ, додека полицијата на Кралството Шведска се уште не ги соопштила имињата на жртвите од нападот во Оребро“, посочуваат од МНР на БиХ.
Амбасадата на Босна и Херцеговина во Стокхолм е во постојан контакт со надлежните органи и локалните власти во Шведска со цел навремено да ја информира јавноста во Босна и Херцеговина за состојбата во Оребро, со оглед на бројното население во БиХ заедница во овој град.
„Министерството за надворешни работи на Босна и Херцеговина изразува длабоко сочувство до семејствата на жртвите од трагичниот напад во Оребро“, соопшти МНР на БиХ.
Единаесет лица се убиени во пукање во училиштето во централна Шведска, а се верува дека меѓу загинатите е и напаѓачот, соопшти вчера шведската полиција. Властите се уште не го потврдиле бројот на повредени, а полицијата предупредува дека бројот на жртвите може да се зголеми.