Во компјутерот на љубовницата на поранешниот директор на ЦИА Пола Бродуел кој и беше одземен од домот, пронајден е голем обем на доверливи информации. Содржината се анализира, и се проверува како информациите дошле до неа, јавуваат американски медиуми.
Поранешниот директор на ЦИА Дејвид Петреус беше принуден да даде оставка минатата недела откако беше откриено дека имал вонбрачна врска со својата биографка Пола Бродуел.
Таа тврди дека Петреус не е изворот на информациите пронајдени во нејзиниот компјутер.
Претседателот Обама одби да коментира за истрагата во однос на Петреус, но наведе дека според негови информации немало истекување доверливи информации.