Реонот на Арктикот се превора во нов фронт за конфликт меѓу Русија и Западот, оценува италијанскиот неделник „Панорама“.
– Кризата во Украина може да се смета како стратешка офанзива на НАТО и САД, но уште пред неколку години руските политичари, познати по својата далековидост, открија нов фронт за борба на влијание – Северниот пол, оценува весникот.
„Панорама“ посочува дека како последица на глобалното затоплување доаѓа до топење на мразот во реонот на Арктикот, што создава нови транспортни патишта, но и потенцијални нови извори на нафта и гас.
Според италијанскиот неделник, во такви услови додека НАТО и западните земји се преокупирани со кризата со Украина, Русија се повеќе ја зацврстува својата позиција во регионот на Арктикот.
– Москва веќе милтаризираше дел од регионот создавајќи база на својата Северна флота и модернизирајќи го аеродромот на островот Нова Земја, оценува „Панорама“.