Вооружените сили на Украина користеле при вчерашниот напад на аеродромот во Доњецк фосфорна муниција, изјави министерството за одбрана на самопрогласената Доњецка народна република, пренесе ТАСС.
Според соопштението, фосфорна муниција експлодирала вчера на територијата на доњецкиот аеродром и најмалку еден борец загинал.
Претходно лидерот на ДНР Александар Захарченко изјави дека украинските вооружени сили користат забранета хемиска муниција во борбените дејствија.
Според него, по експлодирање на гранатите, истрелани врз стариот терминал, „се разнесува задушлив чад и мирис на сулфур и невозможно е да се дише“.