Десетици луѓе се повредени и нанесени се материјални штети во денешниот силен земјотрес со интензитет од 6,1 степени во Западен Иран.
Геофизичкиот институт на САД првично соопшти за интензитет од 6,3 степени.
Иранската телевизија соопшти дека земјотресот се случил кај градот Мур-Мури, на 500 километри од престолнината Техеран, во 07.02 часот по локално време (2.32 по Гринич).
– За среќа, досега нема информации за загинати, но има многу повредени, како и материјална штета, изјави претставникот на локалната Црвена полумесечина.