Четири лица загинаа, а 50 се повредени при воздушен напад од страна на израелските сили врз болницата „Мачениците ал-Акса“ во централниот дел на Појасот Газа.
Ракетата го погодила третиот кат од зградата, каде се наоѓал ургентниот центар на хируршкиот оддел. Болницата била нападната и со тенковски гранати.
Портпаролот на палестинските служби за брза помош, Ашраф ал Кудра изјави дека 12 гранати биле истрелани кон болницата во градот Деир ел Балах, додавајќи дека 30 од повредените се членови на медицинскиот персонал.
Осум Палестинци, меѓу кои четири деца, биле убиени при израелско бомбардирање во центарот на градот Газа, соопштија палестински спасуваки екипи.
Израелскиот премиер Бенјамин Нетанјаху денеска изјави дека воената операција постепено ќе се проширува, се додека не биде постигнато долгорочно примирје.