Во израелските воздушни напади во Јемен денеска загинаа четири лица, а беа ранети повеќе од 30, откако израелската војска соопшти дека погодила цели на територијата на бунтовниците поддржани од Иран, вклучително и Ходеида.
Телевизијата Ал Масира, контролирана од Хутите, соопшти дека еден пристанишен работник и тројца инженери се убиени, а 33 се ранети според прелиминарните податоци, додавајќи дека екипите на брзата помош и спасувачите сè уште трагаат по исчезнатите лица.
Израел денеска започна напади врз цели на Хутите во Јемен, откако нивните милитанти истрелаа ракети врз Израел во изминатите два дена.