Чешката дипломатија, денеска најостро го осуди третото нуклеарно тестирање од страна на Северна Кореја, јави дописникот на МИА од Прага.
Според Министерството за надворешни работи, нуклеарните проби се сериозна закана за мирот и стабилноста во регионот и се во спротивност со меѓународните обврски и со Резолуциите на Советот за безбедност на ОН.
– Извршувањето на нуклеарен тест е многу неодговорен и непристоен чин, кој сериозно ја загрозува стабилноста и мирот на Корејскиот Полуостров и во регионот, се вели во соопштението на чешкото Министерство за надворешни работи .
Чешка воедно го повика Пјонгјанг да ги почитува сите резолуции.