Чеченскиот лидер Рамзан Кадиров бил итно хоспитализиран во Москва ноќта помеѓу 24 и 25 декември по ненадејно влошување на неговата здравствена состојба, и затоа не учествувал на состанокот на Државниот совет со кој претседаваше Владимир Путин.
Кадиров беше префрлен со амбулантно возило во Централната клиничка болница на претседателската администрација на Русија, а состанокот на Државниот совет се одржа без него, објави Украинска правда.
„Едвај успеаја да го реанимираат во Москва, по што се врати дома и оттогаш не се појави во јавноста“, тврди изворот.
Се известува дека Кадиров веќе бил хоспитализиран во приватна клиника во Грозни претходно оваа година. После тоа, неговата состојба продолжи да се влошува.
Самиот Кадиров изјави дека доживува „нервни сломови“ и „постојано чувство напнатост“, наводно поради учеството на чеченските борци во војната против Украина.
Претходно, истрага на Новаја Газета Европа објави дека здравствената состојба на Кадир значително се влошува, што предизвика промена на власта во Чеченија. Кадиров во мај изјави дека побарал да биде разрешен од должноста.