Германскиот парламент на 27-ми јуни ќе заземе став преговорите на Србија со ЕУ да почнат најрано во 2014 година, под услов Белград да ги исполни обврските за нормализација на односите со Косово, дознава германската агенција ДПА од кругови блиски на Бундестагот.
Според агенцијата, германската канцеларка Ангела Меркел ќе го застапува тој став до крајот месецов, но и на самитот на ЕУ.
Согласно со тој став кој што го усогласија парламентарното мнозинство, Министерството за надворешни работи и кабинетот на канцеларката, до крајот на годината треба да има уште еден самит на ЕУ, за прашање за доделување датум на Србија.
Доколку до тогаш Србија не ги исполни обврските кои што ги има кон Косово, тогаш и пристапните преговори може да започнат подоцна, наведоа извори од Берлин.
Елена Георгиевска