Маскиран вооружен маж уби двајца мажи во пукотница пред ирски паб во областа Лос Боличес, на шеталиштето Фуенхирола, во шпанската покраина Малага, објавува „Паис“.
Првичните сомневања укажуваат дека синоќа се случила расправија поврзана со дрога, иако не се исклучени и други можности.
Случајот го истражува националната полиција.
Од минатиот петок, во покраината имало седум пукотници, во кои загинале четворица мажи.
Инцидентот се случил кратко пред 23:30 часот, кога маскиран вооружен маж излегол од возило и почнал да пука кон луѓето што стоеле пред пабот. Еден маж бил ранет во градите и починал веднаш.
Другиот бил застрелан повеќе пати во различни делови од телото и починал на тротоарот, и покрај тоа што му била укажана помош на местото на настанот од страна на брза помош.
Убиецот избегал со голема брзина. Немало никаква трага од него кога првите патролни автомобили пристигнале на местото на нападот.
Ова е седми инцидент со огнено оружје што се случил во покраината Малага во последните шест недели.