Бројот на потврдени жртви при минатoнеделното потонување на брод со стотици илегални имигранти во близина на јужниот италијански остров Лампедуза, достигна 274 лица, јави ДПА.
Претставници на властите соопштија дека попладнево се извадени уште 24 тела, меѓу кои на 17 мажи, 6 жени и едно дете. Денеска вкупно се пронајдени 42 тела.
Спасени беа само 155 од вкупно околу 500 патници на бродот. Италијанските власти веќе предупредија дека нема шанси за уште преживеани, што значи дека реалниот број на загинати е меѓу 300 и 360 лица.