Британското Министерство за одбрана тврди дека Русите најверојатно ќе се фокусираат на одржување на линијата на фронтот во областа на градот Кремина во областа Луганск во источна Украина. Во својот редовен извештај, министерството посочува дека Русија „веројатно ја зајакнала одбраната околу Кремина на Луганскиот фронт бидејќи е под континуиран притисок од украинските операции“.
„Кремина е релативно ранлива откако украинските сили напредуваа низ градот Лиман, кон запад, во октомври. Русија изгради голема нова одбрана во областа и најверојатно ќе има приоритет да ја држи таа линија. Областа е логистички важна за рускиот фронт во Донбас, а исто така е значаен град во Луганск“, се заклучува во извештајот.