Британскиот премиер Борис Џонсон вечерва бил пренесен во болница за да му бидат извршени дополнителни испитувања, откако пред 10 дена кај него беше потврдено дека е инфициран од Ковид-19, пренесуваат британските медиуми.
„Скај Њуз“ пренесува дека кај Џонсон се уште се присутни симптомите на коронавирусот и дека тој има висока температура, па од тие причини бил пренесен во болница.
Според британските медиуми, во случајов повеќе станува збор за превентивна, отколку за итна мерка. Непознато е дали британскиот премиер ќе остане во болницата цела вечер за понатамошни испитувања.